ခေတ်က သတင်းမှ သတင်း၊ သတင်း မဟုတ်ရင် ဖတ်စရာ မလိုဘူးလို့ လူအတော် များများက ထင်ကြတဲ့ခေတ် ရောက်နေသလားပါပဲ။ မှန်ပါတယ်။ သတင်းကို သိဖို့လိုတာပေါ့။

သုတဆိုတာ ဗဟုသုတ ဖြစ်ရမယ်လို့ ဆိုသကိုး။ ဗဟုဆိုတော့ အများပေါ့။ သုတဆိုတာများလေ ကောင်းလေ။ အကြောင်းအရာ စုံကို သိလေ ကောင်းလေပေါ့။ ထားပါတော့။ သုတတွေများများ သိတော့ လူဆိုတာ ကိုယ့်ကိုယ်ကို ယုံကြည်မှု တိုးတာပေါ့။ ငါ သိထားတာတွေ အများကြီး ဆိုပြီးတော့လေ။ သုတစာပေဆိုတာ အဲဒီလို ကျေနပ်မှုကို ပေးနိုင်စွမ်းတာမျိုး။ ဒီတော့ ရသစာပေကရော။ ရသစာပေကတော့ ချစ်၊ရွှင်၊သနား၊ တည်ကြား၊ ကြမ်းကြုတ်၊ စက်ဆုပ်၊ ကြောက်ရွံ့၊ ရဲဝံ့၊ အံ့သြဆိုတဲ့ ကိုးပါးသော အရသာကို ပေးနိုင်စွမ်းတဲ့စာပေဆိုပါတော့။

ဒီတော့ သုတအနေနဲ့တော့ အများကြီးပါမှာ မဟုတ်ပေဘူး။ ရသဖတ်ပြီးရင် သိလာရတာတွေ အများကြီး မရှိနိုင်ဘူးလို့ ထင်စရာပေါ့။ ဒါပေမဲ့ စာမတတ်သူတွေအတွက် တွေးစရာတွေ အများကြီးတော့ ရလာနိုင်တာ အမှန်ပါ။ သုတတွေကြားမှာ အိပ်ပျော်နေတဲ့ ခံစားချက်တွေကို နှိုးဆွပေးမှာက ရသပါ။ မှတ်ဉဏ်သိတွေထဲမှာ မေ့လျော့ထားတဲ့ ဆင်ခြင်သိကို နှိုးဆွပေးမှာက ရသဖြစ်ပါတယ်။ ဒါကို နာမည်ကျော်အနုပညာ သမားတစ်ယောက်က ဖွင့်ဟပြောပြီးသား ဖြစ်ပါတယ်။

“သိပံ္ပပညာက လူတွေကို နှစ်သိမ့်ပေးပေမဲ့ အနုပညာကတော့ လူတွေ ကို နှိုးဆွပေးတယ်”တဲ့။
Georges Braque ဂျော့စ်ဘရက်ဂ်(၁၈၈၂-၁၉၆၃၊ Le Jour et la nuit) ပြောခဲ့တာပါ။ ပြင်သစ်ရဲ့ နာမည်ကျော် ပန်းချီဆရာပါ။  စပိန်ပန်းချီကျော် ပီကာဆိုနဲ့ တွဲဖက်ပြီး ၂၀ ရာစုမှာ ကျူဘစ်ဇင်ပန်းချီဝါဒကို ထူထောင်ခဲ့သူပေါ့။ သူ ပြောတာ ရှင်းပါတယ်။

သူ့ထက် ရှင်းရှင်းပြောသူလည်း ရှိနေပါသေးတယ်။ ဒါကတော့ သတင်းအကြောင်းရေးတဲ့ ဂျာနယ်လစ်ဇင်နဲ့ ရသစာပေအနုပညာသမား ဆိုတာ သဘောသဘာဝ မတူဘူးလို့ ပြောရိုးပြောစဉ်ထက် ပိုပြီး ပြောထားချက်ပါ။ ကြည့်ရအောင်။

“ဂျာနယ်လစ်ဇင်က အရှိန်အဟုန် မြန်မှုကို အားပေးတယ်။ အရှိန်အဟုန် မြန်တယ်ဆိုတာ အနုပညာအတွက်တော့ ရန်သူပဲ”

Jeanette Winterson  ဂျဲနက်တ်ဝင်တာဆင်(၁၉၅၉-) Art Objects   (၁၉၉၅)
သူက ဗြိတိသျှ ၀တ္ထုရေးဆရာမပါ။ အမျိုးသားများလို နေထိုင်တဲ့ အမျိုးသမီး တစ်ယောက်ပေါ့။ အဲဒီအတွက် မိသားစုထဲက ထုတ်ပယ် ခံခဲ့ရသူလည်း ဖြစ်ပါတယ်။ သူ ပြောတဲ့စကားက စာရေးချင်သူတွေ အတွက် စဉ်းစားစရာ ပေါ့။ ကိုယ်က ဘယ်လို စာမျိုး ရေးချင်တာလဲ။ သတင်းလား။ အရှိန်အဟုန်နဲ့ သာ ပြင်ဆင်ပေတော့။ ဒီနေ့အကြောင်းကို ဒီနေ့ရေးနိုင်အောင် ကြိုးစားမှ သတင်းသမား၊ ဂျာနယ်လစ်ပေါ့။ အနုပညာသမား၊ ရသစာရေးဆရာ ဖြစ်ချင်တာလား။ ဒါဆိုဟော တစ်ပုဒ် ဟောတစ်ပုဒ်နဲ့ စက်နဲ့လှည့်ထုတ်သလို ရေးလို့ မဖြစ်နိုင်တာ သေချာနေပါပြီ။ ရသဆိုတာ ၀ါကျတစ်ကြောင်းက ပေးတဲ့ အနက်ကို တစ်ထိုင်တည်း ဘာသာပြန် သဘောပေါက်နိုင်တာမျိုး မဟုတ်ဘူးလေ။ ၀ါကျတစ်ကြောင်းထဲက ဝေါဟာရတွေ၊ ဖွဲ့စည်း တည်ဆောက်ပုံတွေ၊ အလင်္ကာတွေကို စာဖတ်သူက ဖတ်ပြီး ကိုယ်ချင်းစာနာသိ၊ ဆင် ခြင်သိတွေ ပေါ်ထွက်လာတဲ့ အထိ ခံစားနားလည်သွား သဘောပေါက်သွားအောင်သာ ရည်ရွယ် တာလေ။

ပြောရရင် စာနယ်ဇင်းသမားကောင်းရဲ့ အရည်အချင်းများ ဆိုတဲ့ သုတစာပေ စာအုပ်ကို ဖတ်ပြီး ဂျာနယ်လစ်ကောင်း ဖြစ်ချင်စိတ်ပေါ် လာသူ ဘယ်နှယောက် ရှိပါသလဲ။ ဒါပေမဲ့ ဂျာနယ်ကျော်မမလေးရဲ့ သူလိုလူကို ဖတ်ပြီး၊ ၀င်းတင်ရဲ့ ကွိ ဘာသာပြန်ကို ဖတ်ပြီး ဂျာနယ် လစ်ကောင်း ဖြစ်ချင်သူတွေကတော့ အများကြီး ပေါ်ထွက်ခဲ့ဖူးတာပါ။ ဒါကြောင့် စာဖတ်တော့ မယ့်လူထက် စာရေးတော့မယ့်လူက ကိုယ် ဘယ် လိုစာမျိုး ရေးချင်တာလဲ၊ ဘယ်လိုစာမျိုး ဖတ်ချင် တာလဲဆိုတာပေါ် မူတည်ပြီး စာ အမျိုးအစားကို ရွေးချယ်ရေးသားဖို့ လိုပါမယ်။

တကယ်တော့ စာရေးဆရာ ဖြစ်လာတဲ့အခါ မှာ သုတ စာရေးဆရာနဲ့ ရသ စာရေးဆရာရယ်လို့ ခွဲခြားထားတာ ရှိပေမဲ့ စာရေးဆရာ တစ်ယောက် အဖို့ကတော့ သုတပဲဖြစ်ဖြစ် ရသပဲဖြစ်ဖြစ်  အား ထုတ်ရတာချည်းပဲ ဖြစ်ပါတယ်။ စာရေးဆရာ ဘ၀မှာ ကောင်းတာ တစ်ခုကတော့ ဘ၀မှာ ကောင်းတာပဲ ကြုံကြုံ၊ ဆိုးတာပဲ တွေ့တွေ့ စာ အဖြစ် ရေးနိုင်ခွင့်၊ ဖန်တီးနိုင်ခွင့် ရှိနေတာ ပါပဲ။ ဒါကို အတိအလင်း ထုတ်ပြောသူကတော့

F. Scott Fitzgerald  အက်ဖ်စကော့တ်ဖစ်စဂျာရဲလ် (၁၈၉၆ -၁၉၄၀)ပါ။ သူ ပြောတာကို ဖတ်ကြည့်ရအောင်။
“စာရေးဆရာ တစ်ယောက်မှာ အလဟဿ ဖြစ်စရာရယ်လို့ ဘာမှမရှိပါဘူး”တဲ့။ သူဟာ အမေရိက အတွင်း ဂျပ်ဇ်ဂီတ ယဉ်ကျေးမှု ထွန်း ကားစကာလမှာ အောင်မြင်ခဲ့တဲ့ စာရေးဆရာပါ။ ဒီစကားကတော့ တကယ်တမ်းမှာ  ဂျာနယ်လစ် Sheila Graham က သူနဲ့ဂျာရဲလ်တို့ရဲ့ အချစ် ဇာတ်လမ်းကို ပြန်ရေးကာ Beloved Infidel  (၁၉၅၉)ရုပ်ရှင်အဖြစ် ဖန်တီးခဲ့တဲ့ အခါ အဲဒီထဲမှာ ဂျာရဲလ်အနေနဲ့ ပြောခဲ့တဲ့ စကားပါ။

ထားပါတော့။ ဘာပဲကြုံကြုံ ရေးစရာချည်း ပဲလို့ သဘောထားပြီးရင် ကိုယ့်စာကို သူများနား လည်အောင် ရေးပြဖို့တော့ လိုမှာပေါ့။ ဒါဆိုစာကို ဘယ်လိုရေးကြမလဲ။ ကိုယ့်အတွေးတွေကို ဘယ် လို အန်ထုတ်ကြမလဲ။   

“စာကောင်းကောင်း ရေးဖို့ဆိုရင် ကိုယ့်ကိုယ် ကို သာမန်လူတွေလို ဖွင့်ဟ ပြောပြတတ်ရမယ်။ ဒါပေမဲ့ တွေးတဲ့ အခါမှာတော့ ပညာရှိ တစ်ယောက် လိုတွေးရမယ်”တဲ့။

Aristotle   အရစ်စတိုတယ်လ် (ဘီစီ ၁၈၂-၃၂၂) ပြောခဲ့တာပါ။ သူကတော့ အားလုံးသိတဲ့ အတိုင်း ဂရိက အတွေးအခေါ် ပညာရှင်ပေါ့။ သူ့အတွေးအခေါ်တွေက သူ့ခေတ် အတွက် ဆန်းသစ်နေပြီး အဲဒီခေတ်က လူငယ် တွေရဲ့ အတွေးအမြင်တွေကို ပြောင်းလဲပေးနိုင်ခဲ့ သူလည်း ဖြစ်ပါတယ်။ သူက တွေးနည်းနဲ့ ပြော နည်းကို ရိုးစင်းတဲ့ ဥပမာနဲ့ ပေးထားပြီမို့ စာရေး တော့မယ့်သူတွေ နည်းနာယူနိုင်မှာပါ။

စာစရေးပြီ ဆိုရင် တစ်နေ့မှာ ဘယ်အချိန်တွေ ရေးသင့်လဲ။ ဘယ်လို အနား ယူတာမျိုး လုပ်ပြီး အားဖြည့်မလဲ။ ဒါလည်း မေးမယ်ဆို မေးချင်စရာ ပေါ့။ လွတ်လပ်တဲ့ စာရေးသူ တစ်ယောက်အဖို့ ရုံးဆင်းရုံးတက်ချိန် မရှိမှတော့ စာကို ဘယ်အချိန် ရေးပြီး ဘယ်အချိန် နားရမလဲ ဆိုတာ တွေးစရာ ဖြစ်နိုင်ပါတယ်။ ဖတ်ကြည့်ပါဦး။

“စာရေးခြင်း အမှုဆိုတာ စစ်သည်တော်တွေ စစ်တိုက်ကြသလိုပါပဲ။ အားလပ်ရက်ရယ်လို့ မရှိ ဘူး၊ ခွင့်ရက်လည်း မယူနိုင်ဘူး၊ အပန်းဖြေဖို့ လည်း မဖြစ်နိုင်ဘူး။ တကယ်တော့ အောင်မြင်ဖို့ အခွင့်အရေး ဆိုတာလည်း အလွန် နည်းပါးလှပါ တယ်။ စာရေးသူဟာ သင့်ရဲ့ အနှစ်သက်ဆုံး အိပ်မက်တွေက အလဲထိုးတာကိုပဲ သင် ခံရဖို့ကြောက်နေရသူပေါ့”

Walter Mosley  ဝေါလ်တာမော့စ်လေ (၁၉၅၂) Writers on Writing: Collected Essays from the New York Times  (၂၀၀၁)
သူက စုံထောက် ဇာတ်လမ်းတွေ ရေးတဲ့ အမေရိကန် စာရေးဆရာပါ။ သူ ပြောတာလည်း မှန်ပါရဲ့။ အချိန် ကန်သတ်ပြီး စာရေးလို့မှ မရနိုင် ပဲ။ စိတ်ထဲမှာ ပေါ်လာမယ့် အတွေးတွေဆိုတာ အချိန်မရွေး၊ နေရာမရွေး ၀င်လာနိုင်တာကိုး။ ဒီ တော့ စာရေးဆရာဆိုတာ အားရက်၊ နားရက် မရှိသူပေါ့။ ဒါဆို စာရေးဆရာဆိုတာ မလွတ်လပ်သူ လား။ သူ ဘယ်အချိန်မှာ လွတ်လပ်နေလဲ။ တွေးစရာပေါ့။

“လူသားတစ်ယောက် အနေနဲ့ လွတ်လပ်နေတဲ့ အချိန်ဆိုတာ သူ့အနေနဲ့ အနုပညာ အလုပ်တစ်ခု ကို လုပ်နေချိန်ပါပဲ”

Friedrichvon Schiller ဖရဲဒရစ်ခ်ျဗွန်ရှီ လာ(၁၇၅၉-၁၈၀၅)
သူက ဂျာမန်ကဗျာဆရာ၊ ပြဇာတ်ဆရာ သမိုင်းဆရာနဲ့ အတွေးအခေါ်ရှင်ပါ။ ဒီစကားက တော့ အမေရိကန်စာရေးဆရာ  Edmund White  (၁၉၄၀-) ရေးတဲ့The Burning Library  (၁၉၉၄) စာအုပ်ထဲမှာ ရှီလာပြောခဲ့တဲ့စကားအဖြစ် ပါလာ တာဖြစ်ပါတယ်။ ဒီစကား အရတော့ ရှင်းပါတယ်။ စာရေးဆရာက စာရေးနေတဲ့အချိန်၊ သူ့အနုပညာ ကို ဖန်တီးနေတဲ့ အချိန်ဟာ လွတ်လပ်နေတဲ့ အချိန် ပေါ့။ ဒီတော့ စာရေးဆရာမှာ အားလပ်ရက် မရှိ ပေမဲ့ သူသာ စာရေးနေမယ် ဆိုရင် အဲဒီအချိန် တိုင်းဟာ သူ့အတွက် လွတ်လပ်နေချိန်ပဲလေ။ ဘာဝမ်းနည်းစရာ ရှိတော့လို့တုံး။

ဆက်တွေးရအောင်။ အတွေးတွေ ပေါ်လာ ပြီး ရင်ထဲမှာ ပူနွေးလာတဲ့အချိန်တိုင်း စာကို အမှန်တကယ် ချရေးဖြစ်ကြရဲ့လား။ အကြောင်း ကြောင်းတွေနဲ့ နေ့ရွှေ့ညရွှေ့ ရွှေ့ဖြစ်တာတွေ ရှိနေ ကြသေးတာကိုး။ မအားသေးလို့ဆိုတာမျိုး အကြောင်းပြချက်နဲ့ပေါ့။ တစ်နည်းအားဖြင့် မလွတ်လပ်သေးလို့ ဆိုပါတော့။ အဲဒါတော့ မကောင်းတာ သေချာပါတယ်။

“သင့်ရင်ထဲ ပူလောင်နေတုန်းမှာ စာရေး လိုက်ပါ။ စာရေးဆရာတစ်ယောက်က သူ့အတွေး တွေကို မှတ်တမ်းတင်ဖို့ အချိန်ရွှေ့ဆိုင်းတယ်ဆို တာ မီးပူကို အေးအောင်စောင့်ပြီးမှ တိုက်လိုက်လို့ မီးလောင်ပေါက်ကျန်အောင် လုပ်သလိုပဲ။ ဒီလို လုပ်ရင် သူ့ပရိသတ်တွေရဲ့ စိတ်ကို သူ့အနေနဲ့ တောက်လောင်အောင် မစွမ်းနိုင်တော့ဘူးပေါ့”

Henry David Thoreau  ဟင်နရီဒေးဗစ် သောရိုး(၁၈၁၇-၆၂)၊ ၁၉၅၂ ဖေဖော်ဝါရီ ၁ ရက်နေ့ ပေးစာ၊
သူက အမေရိကန် စာရေးဆရာ၊ အတွေး အခေါ်ရှင်နဲ့ သဘာဝ ပတ်ဝန်းကျင်သမားပါ။ ပြည်သူ့ အကြမ်းမဖက်အာခံမှု အတွေးအခေါ်ကို လည်း အစောဆုံး ဖော်ထုတ်ကျင့်သုံးခဲ့သူ ဖြစ်ပါ တယ်။ သူ ပြောတာ အမှန်ပါ။ ရင်ထဲမှာ တအုံ နွေးနွေး ရှိနေတုန်းမှ မရေးရင်၊ တစ်နည်း သွေးအေးသွားမှ ရေးရင် စာဖတ်သူကို လှိုက်ဖိုခံစား သွားအောင် လုပ်နိုင်စွမ်းလည်း ကျသွားတတ် တာ အမှန်ပါပဲ။

ဒီတော့ ရင်ထဲ နွေးနေတုန်း၊ တောက်လောင် နေတုန်း ရေးသာ ရေးချလိုက်ပေတော့။ ကိုင်း ရေးပါပြီတဲ့။ ဘာအကြောင်း ရေးမှာလဲ။ စာရေး တယ်ဆိုတာ လွယ်သလား။
“လှပပြီး ပြီးပြည့်စုံတဲ့ အကြောင်း အရာတွေကို ရေးသား ရတာထက် ပြိုကွဲပြန့်ကျဲနေတဲ့ အကြောင်းအရာတွေကို ရေးသား ရတာက ပိုလွယ် ပါတယ်”

Beck  ဘက်ခ်(၁၉၉၆)
သူက အမေရိကန်တေးရေးဆရာနဲ့ အဆို တော်ပါ။ သူ ပြောတာလည်း သဘာဝ ကျတာပဲလေ။ အင်မတန် ခြောက်ပြစ်ကင်းသဲလဲစင်နေတဲ့ ဇာတ်လမ်းနဲ့ ဇာတ်ကောင်အကြောင်း ရေးရင် စာဖတ်သူတွေ စိတ်ဝင်စားပါ့မလား။ ဘာအခက် အခဲမှ မရှိတဲ့ဘ၀ကို လူတိုင်းက လိုချင်ကြပေမဲ့ စာတစ်အုပ်အဖြစ်၊ ရုပ်ရှင်တစ်ကားအဖြစ် ဆိုရင်တော့ ဘာအခက်အခဲမှ မရှိတာမျိုးဆို ပရိသတ် က ပျင်းမှာပဲလေ။ အခက်အခဲနဲ့ အပြိုင်အဆိုင် ဆိုတာ ဇာတ်တွေအတွက် လိုအပ်တာ အမှန်ပါ။ လက်တွေ့ဘ၀ဆိုတာကလည်း အခက်အခဲတွေ၊ အပြိုင်အဆိုင်တွေနဲ့မှ မကင်းနိုင်ဘဲကိုး။

ပြောတော့သာ လွယ်တာပါ။ အဲဒီလို အခက်အခဲတွေ၊ အပြိုင်အဆိုင်တွေ ပါဝင်တဲ့ ဇာတ်နဲ့ဇာတ်ကောင်တွေကို ဖန်တီးရတာ ထင် သလောက် မလွယ်ပါဘူး။ ဘယ်လောက်ပဲ အကွက်ချထားထား ဇာတ်ရော ဇာတ်ကောင်ပါ ကိုယ် ဖြစ်စေချင်တဲ့အတိုင်း ဖြစ်ချင်မှ ဖြစ်တတ် တာမျိုးပါ။ ကိုယ်ကိုယ်တိုင်က လည်း စာမျက်နှာ ပေါ်မှာ မဟုတ်တဲ့ ဇာတ်ကောင်တစ်ကောင် ဖြစ် နေလေတော့ ကိုယ့်အတွေး ၊ကိုယ့်စိတ်ကူး ဆိုတာ မျိုးက အကန့်အသတ်မဲ့ အချုပ်အချယ်မဲ့ပဲ ရှိနေမှာကိုး။ ကိုယ် ပြောချင်တာ ရေးချင်တာကို ဘယ်လိုစံတွေနဲ့ ကိုက်အောင် ဘယ်လိုပြုပြင် လိုက်မယ်လို့ တွေးပြီးမှ ရေးမယ် ဆိုရင်လည်း စာရေးဆရာ စစ်စစ် မဖြစ်နိုင်တော့ဘူးပဲပေါ့။ အီးအမ်ဖော်စ်တာ ပြောထားတာလေး ကြည့်ပါဦး လား။

“မပြောခင် တွေးတယ်ဆိုတာက ဝေဖန်ရေး သမားတွေရဲ့ ဆောင်ပုဒ်၊ မတွေးခင် ပြောတာ ကသာ ဖန်တီးသူ အနုပညာရှင်တွေရဲ့ ဆောင်ပုဒ်”

E. M. Forster   အီးအမ်ဖော်စ်တာ(၁၈၇၉-၁၉၇၀) Two Cheers for Democracy  (၁၉၅၁)
သူက အင်္ဂလိပ်စာရေးဆရာ၊ ရသစာတမ်း ပညာရှင်ဖြစ်ပြီး သိစိတ်အလျဉ်ရေးနည်းကို စတင် ရေးသားခဲ့သူပါ။ အင်္ဂလိပ်အစိုးရအမှုထမ်းအဖြစ် အိန်္ဒိယမှာ အမှုထမ်းခဲ့ဖူးသူလည်း ဖြစ်ပါတယ်။ တကယ်လည်း မှန်တာပါပဲ။ စာရေးဆရာဆိုတာ က ကိုယ့်အတွေးကိုရော အရေးကိုပါ လွတ်လပ်ချင်သူ တွေဆိုတော့ ပေတံတွေ စံတွေအကြောင်း မတွေးဘဲ ရင်ထဲက ခံစားရတဲ့အတိုင်း ထုတ်ပြောမှ စာရေးဆရာစစ်မှာကိုး။

ကဲ၊ ဒါဆို စာရေးဆရာအစစ် ဆိုတာ ဘယ် လိုလူမျိုးလဲ။ တကယ့် ပင်ကိုစာရေးဆရာ ဆိုရင် လေ။ ဖတ်ကြည့်လိုက်ပါဦး။   

“တကယ့်ပင်ကိုရေးစာရေးဆရာဆိုတာ တခြားသူတွေကို အတုမခိုးတဲ့သူမျိုး မဟုတ်ပါ ဘူး။  တခြားဘယ်သူကမှ အတုခိုးလို့ မရတဲ့သူ မျိုးပါ”

Francois-Rene Chateaubriand  ဖရန် ဆွိုင်းရီနေးချာတိုးဘရီရန် (၁၇၆၈-၁၈၄၈) Le Genie du Christianisme  (၁၈၀၂)
သူက ပြင်သစ်စာရေးဆရာ၊ နိုင်ငံ့ခေါင်း ဆောင်ဖြစ်သလို ပြင်သစ် စာပေလောကမှာ ရိုမန် တစ်ဝါဒကို စတင်ရေးသားခဲ့သူထဲက တစ် ယောက်ပါ။ သူ့စကားကတော့ အသေအချာ အမှန်အကန်ပါ။ ကိုယ့်လက်ရာကိုဖတ်သူက ကိုယ့် ကလောင်ကို မဖတ်မိရင်တောင် ဒါကတော့ ကိုယ့် လက်ရာပါလားလို့ ပြောနိုင်တဲ့အထိ ကိုယ်ပိုင် ဟန်ရှိတဲ့ စာရေးသူစစ်စစ်တစ်ယောက်ရဲ့ လက်ရာ ဆိုတာမျိုးဟာ တုပလို့ မရနိုင်တဲ့ အမှတ်တံဆိပ် ပါပဲ။ ကိုင်း။ စာရေးတော့မယ်ဆိုရင် ဒါလေးတွေ တော့ ထည့်တွေးကြရအောင်ပေါ့။

မသီတာ၊စမ်းချောင်း၊
Ref: The Wit and Wisdom of Great Writers
(Teen မဂ္ဂဇင်း၊ဖေဖေါ်ဝါရီလ ၂၀၁၂)