၅၄ ကြိမ်မြောက် Grammy ဆုပေးပွဲကြီးကို မကြာသေးမီက ကယ်လီဖိုးနီးယား၊ Los Angeles မြို့ရှိ Staples Center မှာ ခမ်းနားစွာ ကျင်းပခဲ့ကြတယ်။

အဲဒီ ဆုပေးပွဲမှာ အဆိုတော်၊ သီချင်းရေး ဆရာမလေးAdele  က ဆုအရေအတွက် အများဆုံး ဆွတ်ခူးသွားနိုင်ခဲ့တယ်။ အဒဲလ် သိမ်းပိုက်သွားတဲ့ ဆုက ၆ ခုကြီးများတောင်ပါ။ ပထမဆုံး ဆုက Record of the Year ဖြစ်ပြီး Rolling in the Deep စင်ဂယ်သီချင်းနဲ့ ဆုကို သိမ်းပိုက် နိုင်ခဲ့တာပါ။ ဒီသီချင်းကို တေးဆိုတဲ့ အဒဲလ်နဲ့ Paul Epworth တို့ ၂ ယောက်ပေါင်း ရေးစပ် သီကုံးခဲ့ကြတာ ဖြစ်တယ်။ ပေါလ်ကိုယ်တိုင်လည်း ဂီတပညာရှင်၊ သီချင်းရေးသူ အဖြစ် အနုပညာကမ္ဘာမှာ ခြေစုံ ရပ်ခဲ့တာ ၂၀၀၀ ပြည့်နှစ်ကတည်းကပါ။ ဒုတိယ ဆွတ်ခူးခဲ့တဲ့ဆုက Album of the Year ဖြစ်ကာ 21 တေးအယ်လ်ဘမ်နဲ့ ရရှိခဲ့တာပါ။ တေးအယ်လ်ဘမ် 21 မှာ အဆိုတော်မလေး အဒဲလ်အတွက် ဒုတိယ ကြိုးပမ်းခဲ့တဲ့ တေးစုများဖြစ်တယ်။

သီချင်းစုစုပေါင်း ၁၁ ပုဒ်ပါဝင်ပြီး ၁။ Rolling in the Deep, ၂။ Rumour Has It, ၃။ Turning Tables, ၄။ Don’t You Remember, ၅။ Set Fire to the Rain ၆။ He Won’t Go, ၇။ Take It All, ၈။ I’ll Be Waiting, ၉။ One and Only, ၁၀။ Someone Like You စတဲ့သီချင်း ၁၀ ပုဒ်ကို အခြားတေးရေးဆရာတစ်ဦးနဲ့ အတူတွဲပြီး ကိုယ်တိုင်ရေးစပ်ခဲ့တာ ဖြစ်တယ်။ နောက်ဆုံးတစ်ပုဒ် Lovesong ကို တေးရေးဆရာ Robert Smith, Simon Gallup Roger O’Donnell:Porl Thompson နဲ့ Boris Wiliams တို့ စုပေါင်း ရေးခဲ့ကြတယ်။ နောက်ထပ် သိမ်းပိုက်နိုင်ခဲ့တာက Song of the Year ဆုပါ။ Rolling in the Deep သီချင်းနဲ့ ရခဲ့တာပါပဲ။ သီချင်းက ၃ မိနစ်နဲ့ ၄၈ စက္ကန့်ရှည်ပါတယ်။ တစ်ဖန် Pop ဂီတ အမျိုးအစား ကဏ္ဍမှာ Best Pop Solo Performance ဆုကို အဒဲလ်က Someone Like You သီချင်းနဲ့ သိမ်းပိုက် ရယူသွားပြန်တယ်။ အမေရိကန် လူမျိုးတေးရေးသူ၊ ဂီတ အနုပညာသမား Dan Wilson နဲ့ အတူတွဲပြီး ရေးသားခဲ့တဲ့ သီချင်းလေးပါ။ တေးအယ်လ်ဘမ် 21 နဲ့ပဲ Best Pop Vocal Album ဆုကို ရခဲ့တယ်။ Music Video ကဏ္ဍမှာ အဒဲလ်ရဲ့ Rolling in the Deep သီချင်းနဲ့ Best Short Form Music Video ဆု ရရှိခဲ့တယ်။

ဂီတဗီဒီယိုဆု ရအောင် လက်စွမ်း ပြပေးခဲ့တဲ့ ဗီဒီယို ဒါရိုက်တာက Sam Brown ဖြစ်ပါတယ်။ ဆုပေးပွဲညက အဒဲလ်က ဆုပေါင်း ၆ ဆု၊ အသက် ၄၀ ကျော်၊ ၅၀ လူကြီး ၅ ယောက် စုစည်းထားတဲ့ အမေရိကန် တေးဂီတ၀ိုင်း Foo Fighters (၀ါရှင်တန်ပြည်နယ် Seattle မြို့မှ) Alternative Rock Band မှ ဆု ၅ ဆု၊ အမေရိကန် လူမည်းအမျိုးသားအဆိုတော် Kanye West က ဆု ၄ ဆု၊ အဆိုတော်၊ ဒီဂျေ၊ ဂစ်တာသမား၊ သီချင်းရေးသူ Skrillex က ဆု ၃ ဆု ဆွတ်ခူးခဲ့ကြတယ်။ ဆု ၂ ဆုစီ သိမ်းပိုက်သွားနိုင်သူတွေက အသက် ၈၅ နှစ်အရွယ် အဆိုတော် Tony Bennett, Bon Iver တေးဂီတအဖွဲ့၊ လူမည်းအဆိုတော်၊ သီချင်း ရေးသူ၊ သရုပ်ဆောင်၊ ရက်ပါ Cee Lo Green, ဂီတဒါရိုက်တာ၊ ထုတ်လုပ် သူ၊ သီချင်းရေး/ဆိုသူ တက်ဆက်စ် ပြည်နယ်သား Kirk Dwayne Franklin ရုပ်ရှင်သရုပ်ဆောင်၊ တေးရေး/တေးဆို၊ ရုပ်သံရှိုးတင်ဆက်သူလေး Fergie, ကျေးလက်တေးဂီတတို့ရဲ့ ဘူမိနက်သန် တန်နက်စီပြည်နယ်၊ Nashville မြို့ ကလေးမှ The Civil Wars တေးဂီတ အဖွဲ့၊ သီချင်းသည်မကလေး Taylor Swift နှင့် ကချေသည် အဆိုတော်မလေး Rihanna တို့ဖြစ်ကြတယ်။

ဂီတ လောကထဲကို အဒဲလ်က ၂၀၀၆ ခုနှစ်ကမှ စတင်ဝင်ရောက်လာ ခဲ့ပြီး၊ အခုမှ ၂၃ နှစ်အရွယ်ပဲ ရှိပါသေးတယ်။ အမည်ရင်း Adele Laurie Blue Adkins ဖြစ်ကာ လန်ဒန်မြောက်ပိုင်း Tottenham မှာ မွေးဖွား လာခဲ့တယ်။ သူမရဲ့မိခင် Penny မှ ၁၉၈၈ ခုနှစ် မေလ ၅ ရက်နေ့မှာ မွေးခဲ့ပြီး၊ ငယ်စဉ် ကတည်းက ဖခင်ရဲ့တာဝန်ယူစောင့် ရှောက်ခြင်း မခံခဲ့ရဘူး။ မွေးတဲ့မိခင် ပယ်နီကိုယ်တိုင်တောင် ဆယ်ကျော် သက်အရွယ်ပဲရှိခဲ့သေးတယ်။ အသက် ၄ နှစ်လောက်ကတည်းက သီချင်းဆို တာကို ၀ါသနာပါခဲ့ပြီး အသံတွေကို နှစ်သက်သဘောကျခဲ့တယ်။

Spice Girl အဖွဲ့ရဲ့ သီချင်းတွေက အဲဒီ အချိန်မှာ အလွန် ပေါ်ပြူလာ ဖြစ်ခဲ့တော့ အဒဲလ်ကိုလည်း အသေအချာ လွှမ်းမိုးခဲ့တယ်။ မိခင် တစ်ယောက်တည်းက ဦးဆောင် နေရတဲ့ မိသားစုမို့ အဒဲလ်တို့ တစ်နေရာပြီး တစ်နေရာ အလုပ်အကိုင် အဆင်ပြေတဲ့ဆီ ပြောင်းရွှေ့ နေခဲ့ကြရတယ်။ အသက် ၁၆ နှစ်မှာ Hometown Glory ဆိုတဲ့ သီချင်းကို ကိုယ်တိုင်ရေး၊ ဆို၊ အသံ သွင်းနိုင်ခဲ့ တယ်။ သူမအသက် ၁၈ နှစ်၊ ၂၀၀၆ ခုနှစ် မေလမှာ BRIT School for Performing Arts & Technology က ကျောင်းပြီးခဲ့တယ်။ လက်ရှိဂီတ လောကမှာ အောင်မြင် နေရာရနေတဲ့ Leona Lewis-Jessie J. တို့နဲ့ အတန်း ဖော်သူငယ်ချင်းတွေ ဖြစ်ခဲ့တယ်။

အဒဲလ် ကိုယ်တိုင် ရေးထားတဲ့ သီချင်း ၃ ပုဒ်ကို သူငယ်ချင်း တစ်ယောက်ကို ပေးခဲ့တယ်။ တကယ်တော့ ၄င်းသီချင်းတွေက ကျောင်းတက်စဉ် Project အဖြစ် ရေးခဲ့တာတွေ ဖြစ်တယ်။ သီချင်းတွေကို သူငယ်ချင်းက အင်တာနက်ပေါ် တင်ပေးလိုက်ရာက XL ရီ ကောဒင်းက နှစ်သက် သဘောကျ သွားပြီး တယ်လီဖုန်းနဲ့ ဆက်သွယ်ခြင်း ခံခဲ့ရတယ်။ မယုံရဲ၊ ယုံရဲနဲ့ သွားတွေ့ခဲ့တဲ့ အဒဲလ်ကို ၂၀၀၆ ခုနှစ် စက်တင်ဘာလမှာ XL ရီ ကောဒင်းက အလုပ်တွဲ လုပ်ဖို့ စာချုပ် ချုပ်ဆိုခဲ့ကြတယ်။ အဆိုတော် Jack Penate ရဲ့သီချင်း My Yvonne မှာ တွဲဖက်သီဆိုပေးခဲ့ တယ်။ ၂၀၀၇ ခုနှစ် အောက်တိုဘာ လမှာ သူမ ရေးခဲ့တဲ့ Hometown Glory သီချင်းထုတ်ဝေဖြန့်ချိခဲ့တယ်။ အဒဲလ်ရဲ့ပထမဆုံးတေးအယ်လ်ဘမ် အမည်က 19 ပါ။ သူမ ၄င်းအယ်လ် ဘမ်ကို ရီကောဒင်းစလုပ်တဲ့ အသက် အရွယ် ၁၉ နှစ်ကို ခေါင်းစဉ်အဖြစ် ရွေးတပ်ခဲ့တာ ဖြစ်ပါတယ်။

19 တေးအယ်လ်ဘမ်မှာ သီချင်း ၁၂ ပုဒ်ပါဝင်ပြီး တစ်ပုဒ်တည်းသာ အဆိုတော်၊ တေးရေး ဆရာကြီး Bob Dylan ရေးပေးခဲ့တာပါ။ ကျန်တဲ့သီချင်း ၁၁ ပုဒ်မှာလည်း ၅ ပုဒ်သာ အခြားတေးရေးဆရာနဲ့ အဒဲလ် တွဲဖက်ရေးစပ်ပြီး၊ ၆ ပုဒ်ကို သူမ တစ်ယောက်တည်း ကိုယ်တိုင် ဖန်တီးရေးသားခဲ့တာ ဖြစ်တယ်။ ၂၀၀၈ ခုနှစ် ဇန်န၀ါရီလ ၂၈ ရက် နေ့မှာ ဖြန့်ချိနိုင်ခဲ့ပြီး တစ်ကမ္ဘာလုံး သို့ အယ်လ်ဘမ်အချပ်ရေ ၆.၅ သန်း ရောင်းချခဲ့ပြီးပါပြီ။ ၂၀၀၉ ခုနှစ် ဂရမ်မီဆုပေးပွဲမှာ သူမက Best New Artist ဆု၊ Best Female Pop Vocal Performance ဆုတို့ရရှိခဲ့ပါတယ်။ သူမရဲ့ တိုင်းပြည်အပါအ၀င် ကမ္ဘာအရပ်ရပ်က ဂီတနဲ့ပတ်သက် တဲ့ဆုများစွာ ချီးမြှင့် ခံခဲ့ရတယ်။ အင်္ဂလန်ရဲ့(ထိုအချိန်က) ၀န်ကြီးချုပ် ဂေါ်ဒွန်ဘရောင်း ကိုယ်တိုင်
တိုင်းပြည် ဂုဏ်ဆောင်နိုင်သူအဖြစ် ဂုဏ်ယူ၊ ကျေးဇူးတင်စကား ရေးသားပေးပို့ခဲ့တယ်။

၂၀၁၁ ခုနှစ် ဇန်န၀ါရီလ ၂၄ ရက်နေ့မှာ သူမရဲ့ဒုတိယ တေးအယ်လ်ဘမ် 21 ကို ထုတ်ဝေဖြန့်ချိခဲ့တယ်။ သူမ ရဲ့ချစ်သူနဲ့ လမ်းခွဲခဲ့တုန်း ရေးစပ်ထားတဲ့ သီချင်းတွေမို့ ၀မ်းနည်း ကြေကွဲစရာတွေ လွှမ်းမိုးနေတဲ့ သီချင်းခွေလို့ အဒဲလ်က ၀န်ခံထားတယ်။ အင်္ဂလန်နှင့် အမေရိ ကန်ပြည်ထောင်စုအပါအ၀င် တိုင်းပြည် ၂၆ ခုမှာ နံပါတ်တစ်နေရာက ဦးဆောင် ထားနိုင်ခဲ့တယ်။ ဥရောပမှာ ၃၁ ပွဲ၊ မြောက်အမေရိကမှာ ပွဲ ၂၀၊ စုစုပေါင်း ၅၁ ပွဲရှိတဲ့ “Adele Live” ဆိုတဲ့ စင်မြင့် လှည့်လည်ဖျော်ဖြေပွဲ ၂၀၁၁ ခုနှစ် မတ်လ ၂၁ ရက်မှ စက်တင်ဘာလ ၂၅ ရက်အထိ စီစဉ်ပြုလုပ်ခဲ့တယ်။ အမှန် တကယ်ဆို နောက်ထပ် ပွဲစဉ်တွေရှိသေး ပေမဲ့ အဒဲလ် သီချင်းဆက်ဆိုလို့မရတဲ့ အထိ အတော်ကြီးေ နထိုင်မကောင်း ဖြစ်လာတဲ့ အတွက် ကျန်ပွဲတွေ ရပ်နားဖျက် သိမ်းလိုက်ရတယ်။ သူမရဲ့လည်ပင်းကို ခွဲစိတ် ကုသမှုတောင် လုပ်ခဲ့ရပါသေး တယ်။

နိုဝင်ဘာလ ပထမပတ်အတွင်း Massachusetts အထွေထွေဆေးရုံမှာ ခွဲ စိတ်ကုသပြီး အနားယူနေခဲ့ရာမှ ၂၀၁၂ ခုနှစ် ဂရမ်မီဆုပေးပွဲကျမှ စင်ပေါ်ပြန် တက်လာခဲ့တာ ဖြစ်တယ်။ Billboard သမိုင်းကြောင်းမှာ အဆိုတော် Whitney Houston ရဲ့ The Bodyguard တေး အယ်လ်ဘမ်က နံပါတ်တစ်နေရာမှာ အချိန်အရှည်ကြာဆုံးအဖြစ် မင်းမူနေခဲ့ ပေမဲ့ ယခု အဒဲလ်ရဲ့ 21 က ကျော် တက်သွားခဲ့ပါပြီ။ အဒဲလ်က သူမ အခုလို အောင်မြင်မှုရရှိခြင်းအတွက် မိခင် ပယ်နီ့အပေါ် ကျေးဇူးတင်ဖို့ မမေ့ ပါဘူး။ ဖခင်ဆီက ဘာကူညီထောက်ပံ့ မှုမှ မရပေမဲ့ သမီးကို တစ်သက်လုံး ဂရုတစိုက် စောင့်ရှောက် ကူညီလာခဲ့တဲ့ မိခင်ကို “အမေက တကယ် တော်ပါတယ်။ အမြဲတမ်း ကျွန်မကို ပံ့ပိုးခဲ့တယ်။ အားပေးခဲ့တယ်။ ကျွန်မ အမေဟာ ကျွန်မရဲ့မိတ်ဆွေကောင်း တစ်ယောက်လည်း ဖြစ်ပါတယ်” လို့ ဖွင့်ဟ ပြောခဲ့တယ်။

အဒဲလ်ရဲ့လက်ရှိ ချစ်သူမှာ အသက် ၃၇ နှစ်အရွယ် Simon Konecki ဖြစ်တယ်။ ၄င်းတို့ချစ်သူ ဖြစ်တာကို လျှို့ဝှက်ထားပြီး၊ ပြီးခဲ့တဲ့ ဇန်န၀ါရီလ ကမှ အတူတွဲ ဓာတ်ပုံအရိုက်ခံခဲ့ကြတယ်။ အရင်က အသည်း ကွဲခဲ့ဖူးတဲ့ အဆိုတော် မလေးက ဒီချစ်သူနဲ့တော့ ပျော်ရွှင်ချိန် ကြာမြင့်လိမ့်မယ်လို့ မျှော်လင့်ထားကြ တယ်။ ဆိုင်မွန်ရဲ့မိခင်က ဖလော်ရီဒါ ပြည်နယ်မှာနေထိုင်လို့ အဒဲလ်က သွား ရောက်တွေ့ဆုံခဲ့သေးတယ်။ ဒါပေမဲ့ ဆိုင်မွန်က အရင်အိမ်ထောင် Clary Fisher နဲ့ တရားဝင် မကွာရှင်းရသေးပါ ဘူး။ အဲဒီအိမ်ထောင်နဲ့ ၅ နှစ်အရွယ် သမီးလေး တစ်ယောက်လည်း ရှိပါတယ်။

ဒုတိယ အယ်လ်ဘမ် ထွက်ပြီး အဒဲလ်ရဲ့ပိုင်ဆိုင်မှုက ၁၃ သန်းခန့် ဖြစ်လာပါပြီ။ ဒါကြောင့် West Sussex မှာ ၂၅ ဧကကျယ်တဲ့ ခြံဝင်းကျယ်နှင့် အိပ်ခန်း ၁၀ ခန်းပါတဲ့ အိမ်ကြီးငှားရမ်းနေ ထိုင်နိုင်ပါပြီ။ ဂရမ်မီဆုပေးပွဲရဲ့ ကော် ဇောနီပေါ်မှာ ဂျော်ဂျီယိုအမားနီဝတ်စုံ လေးနှင့် ပရိသတ်တွေကို နှုတ်ဆက်ခဲ့ တဲ့အဒဲလ်က Rolling in the Deep သီချင်းနဲ့ သီဆိုဖျော်ဖြေခဲ့တယ်။ သီချင်း ဆိုစဉ် ၀တ်ဆင်ခဲ့တဲ့ Clements Ribeiro ၀တ်စုံလေးနဲ့ သူမက ပိုမိုချစ်စရာ ကောင်းနေခဲ့တယ်။
သူမက “တတိယ အယ်လ်ဘမ် အတွက် အချိန်ယူဦးမှာ။ ကျွန်မအလုပ် တွေချည်း ဖိလုပ်နေခဲ့ရင် ကျွန်မရဲ့ အချစ်ရေး အဆင်မပြေ ဖြစ်နိုင်တယ်” လို့  ပြောခဲ့တယ်။ လက်ရှိချစ်သူနဲ့ အဆင်ပြေ နေတဲ့အတွက် “အနည်းဆုံးတော့ ပျော်စရာ သီချင်းလေးတွေ ရေးထွက်လာမှာ ပေါ့။ ပြီးရင် ကျွန်မ ဘာဆက်လုပ်ရမလဲ မသိသေးဘူး။ အိမ်ထောင်ပြု၊ သား သမီးရင်သွေးလေးတွေမွေး၊ အသီးအနှံ စိုက်ခင်းလေးပြုစု ဒီလိုလုပ်ရမှာပေါ့” တဲ့။        

ရီတာအောင်၊NY၊
(ရွှေအမြုတေ မဂ္ဂဇင်း၊မေလ ၂၀၁၂)